in ,

مؤتمر F8 وهو الخاص بمطوري تطبيقات الشركة كلها (فيس بوك – واتساب – إنستجرام – ماسنجر)، عشان تعلن عن المميزات الجديدة في التطبيقات الأربعة

Don’t call it hangover, it’s wine flu

وم الثلاثاء 30 أبريل، نظمت “فيس بوك” مؤتمر F8 وهو الخاص بمطوري تطبيقات الشركة كلها (فيس بوك – واتساب – إنستجرام – ماسنجر)، عشان تعلن عن المميزات الجديدة في التطبيقات الأربعة، وعشان تتكلم عن أزمة الخصوصية بعد فضيحة تسريب معلومات وبيانات المستخدمين اللي حصلت من سنة.

في المؤتمر اتقال إن “فيس بوك” هيقدم ميزة جديدة الغرض الأساسي منها إنها تساعد الناس يتعرفوا على بعض أو بمعنى أصح ينزلوا “Date” واللي اتنبأ بيه بعض المشاهدين إن الميزة دي احتمال تنتهي نهاية سيئة، مع العلم إن Facebook Date تم إطلاقه بشكل تجريبي من شهور، ومن المقرر إن الميزة دي هتتفعل في أمريكا في آخر السنة دي.

ومن المميزات الجديدة إن الموقع هيضيف في الـ Messenger أوبشن هيسمح للمستخدمين إنهم يتفرجوا على الفيديو سوا، وأعلنوا عن مميزات تسويقية جديدة زي الشحن وطرق الدفع في Facebook Marketplace و Instagram و WhatsApp زي Amazon و eBay بالظبط.

وأثناء تقديمهم للمميزات الجديدة كرروا كلمة “الخصوصية” كتير واتكلموا عن المزايا الجديدة بالتفصيل وهي:

إنستجرام:

1- هيبقى فيه شكل جديد أفضل للـ Stories وغالبا ده مش هيتطور أوي

2- لكن بالنسبة لـ Posts إنستجرام هيخفي عدد الـ Likes على الصور والـ Views على الفيديوهات بحيث إن صاحب البوست بس اللي يشوف الأرقام دي، عشان المتابع ينتبه للمحتوى أكتر من الـ engagement على البوست.

3- ممكن بعض الإنفلونسرز يضيفوا علامة Shopping للـ Posts بتاعتهم، هيبقى متاح لعدد معين من الانفلونسرز في أمريكا زي كيم كارداشيان مثلا، انهم لما يعرضوا منتج لبراند أو ماركة معينة، وبعدين عجب حد من المتابعين يقدر المتابع إنه يشتري المنتج أو بالأخص يعمل أوردر عن طريق “إنستجرام”.

4- الشركة هتضيف أوبشن donation stickers اللي هيمكن المستخدم إنه يتبرع للجمعيات الخيرية والمؤسسات غير الهادفة للربح عن طريق Instagram Stories مباشرة باستخدام الكريدت كارد ومن غير رسوم أو نسبة بياخدها “إنستجرام” من الفلوس اللي هيتم تحويلها.

الفيسبوك:

1- هيبقى فيه خاصية اسمها “Secret crush” هتسمحلك تضيف 9 أشخاص بتكراش عليهم ولو واحد من ال 9 دول ضافك في الليست عنده هيبعت “نوتيفيكيشن” للطرفين عشان يبدأوا يتعرفوا على بعض.

2- هيكون فيه خاصية للتعرف على صحاب جداد اسمها Meet new friends، وده عن طريق إنها هتربط الأشخاص اللي بيشتركوا في نفس الشغل أو المدرسة أو المدينة مع بعض، لإن الشركة لاحظت إن أغلب الناس معندهمش رغبة في مقابلة أصحاب جداد، أحد المديرين في “فيس بوك” قال “الناس بيروحوا الشغل ويروّحوا يتفرجوا على Netflix ويموتوا”.

3- مفيش أزرق تاني: قالوا إنهم هيعملوا إعادة تصميم للفيسبوك من تاني وهيتخلصوا من اللون الأزرق، وإنهم لسه لحد دلوقتي بيطوروا تطبيق الفيسبوك على الموبايل.

واتساب:

1- هيكون فيه طريقة جديدة لعرض المنتجات بالكامل للناس اللي عندهم بيزنيس بروفايل على الواتساب، وده عشان يساعد أصحاب المشاريع الصغيرة تكبر.

الماسنجر:

1- هيكون فيه نسخة منه على الديسكتوب زي Whatsapp Desktop كده

2- هيسمح للناس إنها تتفرج على فيديوهات مع بعض، بحيث إنه ممكن تطلب من شخص إنه يتفرج معاك على نفس الفيديو اللي بتتفرج عليه أثناء ما بتتكلموا على الماسنجر.

وفي الأخر أنهى مارك كلامه وقال إن المستقبل هيكون فيه خصوصية واتكلم عن الفضايح والتسريبات للبيانات وقال “أنا عارف إن الناس مش وخداهم على محمل الجد وانهم ماعندهمش أحسن سمعة في موضوع الخصوصية، لكنه هيكون ملتزم إنه يوفر ده، وهيبدأ إنه يشفر المحادثات ويقلل المدة الزمنية اللي بيتم الحفاظ فيها على البيانات

What do you think?

Participant

كتب بواسطة أحمد عمر

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

التفاصيل الكاملة للهجوم الإرهابي على مسجد نيوزيلندا: 49 قتيل و20 مصاب 32

التفاصيل الكاملة للهجوم الإرهابي على مسجد نيوزيلندا: 49 قتيل و20 مصاب

٩ نصايح عشان تحافظ على برودة جسمك في الصيف: ابعد عن اللحوم والآي 33

٩ نصايح عشان تحافظ على برودة جسمك في الصيف: ابعد عن اللحوم والآي